الرئيسيةمكتبة الصورس .و .جبحـثالمجموعاتدخولالتسجيل
مقدمة عن فكرة الإعلان551
شاطر | 
 

 مقدمة عن فكرة الإعلان

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
محمد عثمان محمو
عضو جديد


الجنس: ذكر
منين:

مُساهمةموضوع: مقدمة عن فكرة الإعلان   الأربعاء أكتوبر 14, 2009 12:11 pm


الموضوع منقول بس بصراحه فكرته وهدفه اللي شجعني انقله هنا Surprised

أولا : مقدمة عن فكرة الإعلان

تعالو بقا نشوف ايه هيا الفكره دى واحده واحده كده


:: بسم الله ::

أولا يا جماعه علشان
تكون مصمم جرافيك ناجح فى شركه دعايه واعلان لازم يكون عندك فكره عن
الدعايه والاعلان قبل ما تتقدم لاى شركه لان ده اول سؤال بيتوجه ليك من
مدير الشركه لما بتروح تتقدم وكمان مش معقوله ان شركه دعايه تشغلك مصمم
اعلانى عندها وانت متعرفش يعنى ايه دعايه ويعنى ايه اعلان



علشان
كده اول جزئيه حنبدأ بيها هيا التعريف بالدعايه والاعلان لان الجزئيه دى
مهمه جدا لاى مصمم اعلانى والجزئيه دى لو استوعبتها كويس وفهمتها جامد
حتأثر عليك بعد كده فى شغلك وحتفرق معاك جامد بجد وانتوا حتحسوا بكده لما
ندخل فى باقى الجزئيات التانيه ان شاء الله



ايه هيا الدعايه والاعلان ؟؟



ناخد المعنى العام للعباره وهو

( الاعلان )


الاعلان
ده يا جماعه زى ما موسوعه ويكيبيديا بتقول هو احد الأنشطه الاعلاميه التى
لا غنى عنها للأنشطه الاقتصاديه من صناعه وتجاره وخدمات وغيرها من الانشطه
الاقتصاديه وكذلك بالنسبه للمؤسسات والجمعيات الخيريه الغير ربحيه والتى
بدون الإعلان عن مجهوداتها فلن تحصل على الدعم المجتمعى والتمويل المادى
اللازم لاستمرارها فى عمها وادائها لرسالتها



نفسر بقى العباره براحه



اول جزء بيتعرض لاهميه الاعلان للانشطه الاقتصاديه وان اى نشاط اقتصادى سواء كان

صناعه ( مصنع سيراميك مثلا)
او تجاره (شركه توزيع مواد غذائيه )
او خدمات ( شركات الاتصالات )


اى نشاط من دول بيحتاج الدعايه جدا جدا جدا بغض النظر عن جوده المنتج او الخدمه اللى بيأديها



تخيل
مثلا مصنع سيرميك ( كمثال ) فتح باستثمارات كبيره وبعد ما انتج معملش
اعلانات فى التليفزيون او الجرايد عن انتاجه هل تتخيلوا انه ممكن يبيع
بلاطه واحده



نبص برضه لشركات الاتصالات بصفتها اكبر ناس بتعمل دعايه دلوقتى لنفسها



ليه شركات الاتصالات عندنا فى مصر بتصرف ملايين على الدعايه



ليه كل ما تدخل شارع وتبص على السنترالات اللى فيه تلاقى اليفط بتاعته عاملاها شركه من شركات الاتصالات ؟



ليه شركات الاتصالات محاصرانا بكميه اعلانات مهوله فى التليفزيون والجرايد وفى الشارع وفى المناسبات



الاجابه يا جماعه علشان كل شركه عاوزه عدد المشتركين اللى عندها يزيد وكمان استهلاك المشتركين بتوعها يزيد



نيجى برضه لجزئيه الجمعيات الخيريه وهى ان الجمعيات الخيريه من غير ان اعلان عن نفسها مش حتاخد اى دعم نهائى



تخيل كده مستشفى الاطفال اللى لسه فاتحينها لو مكانوش عملوا ليها دعايه هل كانت حتتفتح اساسا



الاجابه طبعا لأ



معلش يا جماعه انا باطول عليكوا شويه فى الاول بس علشان ادخل فكره الدعايه فى دماغكم صح

لان فيه ناس كتيره اوى فاهماها غلط


نسيبنا دلوقتي من الامثله الكبيره بتاعه الشركات والمصانع وشركات الاتصالات
ونروح للأمثله الصغيره اللى موجوده فى شوارعنا
الجزار مثلا اللى فى منطقتك
هل انت متخيل ان الجزار ده بيعمل دعايه
طبعا بيعمل دعايه بس هل الدعايه اللى بيعملها بتكون اعلان فى التليفزيون او فى الجرايد
طبعا لا بس الدعايه بتاعته بتبقى فى النطاق بتاعه
ازاى
الدعايه بتاعته حتلاقيها من اول الاكياس اللى كاتب عليها اسم المحل
ودى دعايه مهمه على فكره لان فيه ناس كتير مش بترمى الاكياس
وحتلاقى الدعايه دى برضه قائمه الاسعار اللى حاططها بره
وكمان فى يافطه المحل وساعات فى اليفط الصغيره ( اسمها فوانيس )
اللى بتلاقيها على قمه الشارع
نروح برضه لمثال كمان حلو
الدكتور
من المعروف ان اى دكتور لما بيفتح عياده بيعتمد اكتر على مهارته علشان ده يجيبله الزباين
يعنى بيعمل دعايه بمهارته
بس مش بيعتمد على مهارته بس ليه
لانه لو كان بيعتمد على مهارته وخبراته بس مكانش كتب اسمه على الروشته اللى بيديهالك
ومكانش كتب اسمه على اليافطه بتاعه العياده
ومكانش عمل لنفسه كروت شخصيه
ومكانش عمل لنفسه اعلانات فى الشوارع
بالتالى يا جماعه
الفكره اللى عاوزه اوصلهالكم
ان اى حد بيقوم بنشاط مهما كان النشاط ده صغير بيحتاج للدعايه جدا
عاوزه اوصلكم فكره ان اى حاجه عليها اى اسم لاى محل او اى منتج دى عباره عن دعايه
مهما كان المحل ده صغير ومهما كان المنتج مش مهم ومهما كان اللى بيعمل الدعايه ده مشهور اساسا
قيس كل الكلام ده على كل محل بتشوفه فى الشارع
وكمان قيسه على عيادات الدكاتره ومكاتب المحامين وشركات الكمبيوتر
ومراكز التدريب والمعاهد واى حاجه فاتحه علشان تكسب فلوس
فهمنا كده بقى يعنى ايه اعلان
نروح بقى لانواع الاعلانات
انواع الاعلانات كتيره اوى يا جماعه ومتشعبه وقابله للتطوير فى اى وقت
وممكن اى فكره بسيطه تبقى اعلان ويكسر الدنيا

وانواع الاعلانات هى:

1- الاعلانات المطبوعه : وهيا دى اللى بتهمنا فى الاساس وتشمل اعلانات الصحف
والمجلات والدوريات والمنشورات والملصقات

2 - الاعلانات الخارجيه : وهى اعلانات الشوارع والمعارض والاعلانات اللى على العمارات وعلى الاتوبيسات

3 - الاعلانات المسموعه : وهى الاعلانات الاذاعيه


4 - الاعلانات المرئيه المسموعه : وهى اعلانات التليفزيون ودى المنتشره اكتر وكمان فيه اعلانات السينيمات


5 - الاعلانات على شبكه الانترنت : ودى مكنتش موجوده قبل كده وظهرت مع تطور عالم الانترنت
وزياده اعداد المستخدمين
وعلى فكره حنعرف بعد كده ان اعلانات الانترنت مهمه جدا جدا


6 - الاعلانات على الموبايل: ودى برضه ظهرت بعد زياده مستخدمين الموبايل

دلوقتى يا جماعه انتوا كده اخدتوا فكره عن الاعلان وانواعه

نيجى بقى للجزء اللى يهمنا وهو عن الخدمات اللى بتقوم بيها مكاتب الدعايه والاعلان

وانا اقصد المكاتب العاديه مش الوكالات الكبيره لان دى شغلها كبير اوى
وعلشان توصلها لازم تاخد الخبره العمليه فى المكاتب العاديه
مكاتب الدعايه والاعلان العاديه بتشتغل فى

الكروت الشخصيه
الورق المطبوع ( فلاير)
اليفط بانواعها ( البنر والفيلكس والفنيل)
الاكياس المطبوعه
النتائج والاجندات المطبوعه
الاوراق والسجلات التجاريه ( طباعه دفاتر وفواتير التجار والشركات وروشتات العيادات وفولدرات المحامين )
تصميم مواقع وصفحاب الويب ( وده مش كل المكاتب بتشتغل فيه)


دى يا جماعه الحاجات اللى بتشتغل
فيها مكاتب الدعايه والاعلان علشان يبقى عندكم فكره
وكمان ان شاء الله فى
الدروس اللى جايه حناخد الحاجات دى
بالتفصيل الممل من اول فكرتها وكيفيه تصميمها بسهوله وفى اسرع وقت ولغايه طبعها

وملحوظه هامه جدا قبل ما انهى درس النهارده

اهم حاجه بتهم شركه الدعايه فى المصمم اللى شغال انه يكون سريع
بمعنى انه لما يتطلب منك تصميم كارت شخصى المفروض
مياخدش منك اكتر من عشر دقايق او ربع ساعه بالكتير وفى نفس الوقت يكون التصميم كويس

وخلى بالكم ده شىء مش صعب ولا مستحيل لان الاستخدام التجارى للفوتوشوب غير الاستخدام الابداعى
بمعنى ان المكتب مش بيطلب منك تطلع ابداعاتك كلها فى التصميم كل اللى بيتطلب منك افكار وتصميم كويس وخلاص
علشان كده لما واحد فيكم يشتغل مع الوقت حيلاقى نفسه بيصمم بسرعه وهوه مغمض

ومعلش يا جماعه الموضوع دلوقتى كله
نظرى بس زى ما قولتلكم ده تمهيد مهم جدا
لابد منه وان شاء الله فى الدروس
الجايه حتعرفوا اكتر اهميه الدرس ده
والى القاء مع الدرس القادم


سلام عليكم


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عثمان محمو
عضو جديد


الجنس: ذكر
منين:

مُساهمةموضوع: رد: مقدمة عن فكرة الإعلان   الأربعاء أكتوبر 14, 2009 12:14 pm

نسالكم الدعاء للمسلمين في كل مكان
ولا تنسونا من صالح دعائكم
ولا تنسو ذكر الله دائما
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
saber_ezzat
($ ♥ عضــ متميز ــــو ♥ $)
 ($ ♥ عضــ متميز ــــو ♥ $)


الجنس: ذكر
منين:

مُساهمةموضوع: رد: مقدمة عن فكرة الإعلان   الخميس أكتوبر 15, 2009 11:33 pm

تسلم ايدك وبجد موضوع جامد موت
وانا معجب بيه اوى ولو احتجت منى مساعده فى الموضوع ده
انت عارف ده مجال الدراسه بتعتى انا تحت امرك
وتحت امر الناس الى عايزه تتعلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عثمان محمو
عضو جديد


الجنس: ذكر
منين:

مُساهمةموضوع: رد: مقدمة عن فكرة الإعلان   الإثنين أكتوبر 19, 2009 5:17 pm

شكرا يا صابر
وكمان ده حاجه بسيطه بس يكون في وقت
ان شاء الله هنعمل احلي دروس لبرامج الجرافيكس
وبالتوفيق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
love* lost
عضو نشيط


الجنس: ذكر

مُساهمةموضوع: رد: مقدمة عن فكرة الإعلان   السبت أكتوبر 24, 2009 3:00 am

تسلم ايدك يا باشااااااااااا على المجهووووووووود الرائع دة وتقبل مرورى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عثمان محمو
عضو جديد


الجنس: ذكر
منين:

مُساهمةموضوع: رد: مقدمة عن فكرة الإعلان   السبت أكتوبر 24, 2009 10:00 am

السلام عليكم
وشكرا لك ويارب دايما في الموقع
فــــــــ المـــــــــــــــقدمـــــــــــــــــــه ـــــــــــي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
яøNey
...::| نائبـ اداري |::...
...::| نائبـ اداري |::...


الجنس: انثى
منين:

مُساهمةموضوع: رد: مقدمة عن فكرة الإعلان   الأربعاء أكتوبر 28, 2009 2:53 pm

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد عثمان محمو
عضو جديد


الجنس: ذكر
منين:

مُساهمةموضوع: رد: مقدمة عن فكرة الإعلان   الخميس أكتوبر 29, 2009 2:45 am

السلام عليكم ورحمه الله
جزاك الله كل الخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

مقدمة عن فكرة الإعلان

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

 مواضيع مماثلة

-
» الإعلان عن فتح مسابقة لصالح مصالح بلدية عين الذهب
» مقدمة برنامج اذاعى

صلاحيات هذا المنتدى:لاتستطيع الرد على المواضيع في هذا المنتدى
MazIka ZooM : Films - Songs - Games - Programs - Wrestling ::  :: -